Audio | Harrysong Ft Patoranking & Seyi Shay – Confession | Mp3 Download

Audio | Harrysong Ft Patoranking & Seyi Shay – Confession | Mp3 Download

                                           DOWNLOAD HERE

NEC yaomba amani itawale

Dar ,Mikoani. Tume ya Taifa ya Uchaguzi  (NEC) imevitaka vyama vya siasa kuhakikisha kuwa uchaguzi mdogo wa madiwani utakaofanyika leo Jumapili Novemba 26 unafanyika kwa amani na utulivu.

Akisoma risala kwa umma  jijini Arusha  Mwenyekiti wa NEC, Jaji Semistocles Kaijage amesema kuwa wapigakura wapatao 333,309 wanatarajiwa kupiga kura.

Amesema uchaguzi huo utakaofanyika katika kata 43 za Tanzania Bara, utakuwa na  vituo 884  ambako ndipo wapigakura wamejiandikishia kupiga kura katika Uchaguzi Mkuu wa Rais, wabunge na madiwani wa mwaka 2015.

Juzi Mkuu wa Jeshi la Polisi(IGP), Simon Sirro alisisitiza amani kipindi hiki cha uchaguzi kauli ambayo imeungwa mkono na makamanda wote wa polisi mikoani.

Leo Jumapili asubuhi wananchi wamejitokeza katika kutetea haki zao za kikatiba za kuwachagua viongozi wanaowataka.

"Wananchi wote wasitarajie vurugu zozote na kama zikitokea,wahusika watachukuliwa hatua stahili za kisheria," amesema  IGP Sirro.

Amesema  kwamba jeshi hilo lipo tayari kukabiliana na yeyote atakayejaribu kuvuruga amani na wala halitajali nafasi wala jina la mtu kwenye kuchukua hatua.

Mwananchi:

Yanga yamsajili beki Mkongo

KLABU ya Yanga jana imemsainisha mkataba wa miaka miwili, beki wa kati, Mkongo Fiston 'Festo' Kayembe Kanku ambaye alikuwa kwenye majaribio katika timu hiyo kwa muda mrefu.

Usajili huo unakuja siku moja baada ya safu ya ulinzi ya Yanga kuruhusu bao la tano katika Ligi Kuu ya Vodacom Tanzania Bara jana wakilazimishwa sare ya 1-1 na Tanzania Prisons Uwanja wa Azam Complex, Chamazi, Dar es Salaam.

Usajili wa Kayembe unazima kabisa uwezekano wa beki Mtogo, Voncent Bossou kurejeshwa Jangwani, licha ya kupigiwa debe na wadau mbalimbali wa klabu hiyo, arejeshwe kikosini.

Bossou alimaliza mkataba wake msimu uliopita baada ya kuitumikia Yanga kwa miaka miwili alitarajiwa kuendelea kutokana na kufanya vizuri, lakini klabu haikumpa mkataba mpya baada ya mazungumzo ya muda mrefu.

IlifikiRIwa hali mbaya ya kiuchumi ilisababisha Yanga kumwaka kumpa mkataba mpya Bossou, lakini kitendo cha klabu kumsajili Kayembe anayetokea Balende FC ya kwao, Jamhuri ya Kidemkrasia ya Kongo (DRC) kinaashiria imeamua kuachana na Mtogo huyo kwa vyovyote.

Licha ya kucheza pungufu ya mchezaji mmoja, Tanzania Prisons imefanikiwa kupata sare ya ugenini ya kufungana 1-1 na wenyeji, Yanga SC katika mchezo wa Ligi Kuu ya Vodacom Tanzania Bara uliofanyika Uwanja wa Azam Complex, Chamazi, Dar es Salaam.

Sare hiyo inaifanya Yanga SC iendelee kukamata nafasi ya tatu katika msimamo wa Ligi Kuu, nyuma ya Simba na Azam ambazo pia zina mechi moja moja mkononi.

Katika mchezo huo uliochezeshwa na Shomary Lawi wa Kigoma aliyesaidiwa na Abdallah Rashid wa Pwani na Sylvester Mwanga wa Kilimanjaro, hadi mapumziko tayari timu hizo zilikuwa zimekwishafungana mabao hayo.

Prisons walitangulia kwa  bao la Eliuter Mpepo dakika ya tisa akitumia makosa ya mabeki wa kati wa Yanga, Andrew Vincent ‘Dante’ na Nahodha Nadir Haroub ‘Cannavaro’ waliochanganyana na kipa wao, Mcameroon, Youth Rostande na kushindwa kuokoa.

Prisons walipata pigo dakika ya 36 baada ya mchezaji wake, Lambert Sibiyanka kutolewa kwa kadinyekundu na refa Lawi kufuatia kumpiga kiwiko beki wa Yanga, Juma Abdul.

Yanga walitumia mwanya huo kuongeza mashambulizi kusaka bao la kusawazisha na wakafanikiwa kupata bao dakika ya 41, lililofungwa na kiungo Raphael Daudi aliyemalizia krosi ya mshambuliaji Ibrahim Ajib.

Kwa sare hiyo, Yanga inabaki na pointi zake 20 baada ya kucheza mechi 12, ikizidiwa pointi mbili mbili na zote, Simba na Azam. Simba watawakaribisha Lipuli ya Iringa Uwanja wa Uhuru kesho na Azam watakuwa wenyeji wa Mtibwa Sugar Chamazi Jumatatu.  

Bondia Ibrahim Class atetea taji La GBC

 BONDIA Mtanzania, Ibrahim Class Mgendera usiku wa kumkia leo amefanikiwa kutetea taji lake GBC uzito wa Light baada ya kumshinda kwa pointi Koos Sibiya wa Afrika Kusini.

Mgendera alishinda kwa pointi za majaji wote, ingawa ushindi wake ulilalamikiwa na mpinzani wake baada ya pambano hilo.

Haukuwa ushindi wa mashaka, kwani Mgendera alipigana vizuri kwa tahadhari kuanzia raundi ya kwanza hadi ya 10 akipiga ngumi za kudonoa kwa wingi katika staili yake ya Orthodox.

Mgendera hakuwa na kazi nyepesi ulingoni, kwani alikutana na bondia mzoefu na mwenye ngumi nzito – lakini akahimili vishindo vyote na kuwafurahisha Watanzania wachache waliojitokeza Uwanja wa Uhuru, Dar es Salaam kumshangilia kwa mchezo mzuri.

Dalili za Mgendera kushinda pambano hilo zilianza kuonekana raundi ya nane baada ya kumjeruhi kwenye pua Sibiya ambaye alichafuka damu eneo hilo hadi mdomoni.

Na ni kuanzia raundi hiyo bondia wa Tanzania alianza kutawala pambano baada ya wawili hao kuonekana kupigana sawa katika raundi zilizotangulia. 

Mgendera aliyezaliwa Oktoba 10, mwaka 1990 eneo la Ipogolo, wilayani Mufundi mkoani Iringa, alitwaa taji hilo Julai 1, mwaka huu baada ya kumpiga Jose Luis Forero Atencio wa Panama kwa pointi Jijini Berlin, Ujerumani. 

Hilo linakuwa pambano la 21 Mgendera kushinda kati ya 25 aliyocheza, akiwa amepoteza mapambano manne.

Simba yasubiria mamilioni ya Ndemla

KLABU ya Simba imesema kiungo wake, Said Hamis Juma, maarufu Said Ndemla amefanikiwa kufuzu majaribio yake ya kucheza soka la kulipwa katika klabu ya AFC Eskilstuna ya Sweden.
Mkuu wa Idara ya Habari na Mawasiliano wa klabu ya Simba, Hajji Sunday Manara amesema leo katika taarifa yake kwa vyombo vya Habari kwamba Eskilstuna wamesema wameridhishwa na uwezo wa Ndemla na wako tayari kumnunua.

“Ndemla aliyekuwa nchini Sweden kwa majaribio kwenye klabu ya Eskilstuna ya huko anatarajiwa kurejea nchini siku ya jumatatu inayokuja. Na mara baada ya kurejea. klabu za Simba na Eskilstuna zitaanza mazungumzo ya kimkataba ili kumwezesha kiungo huyo kwenda Sweden kwa ajili ya kucheza Soka huko,” amesema Manara.

Msemaji huyo wa Simba amesema kwamba klabu imefurahishwa na azma ya Ndemla ya kutaka kusonga mbele zaidi. “Na kama ilivyo desturi na utamaduni wa Simba, klabu haitasita kumruhusu mchezaji yoyote anayepata fursa adhimu kama hiyo itakayomsaidia mchezaji binafsi.klabu na Taifa kwa ujumla,”.

Katika hatua nyingine, Manara amesema kwamba kesho klabu ya Simba itakutana na viongozi wote wa matawi . makao makuu ya klabu, Msimbazi, Dar es Salaam kuanzia Saa 4:00 asubuhi7. Amesema mkutano huo ni maandalizi ya mkutano mkuu maalum wa klabu wa Desemba 3, mwaka huu
Wakati huo huo: Hajji Manara amewataka wanachama na mashabiki wa Simba kujitokeza kwa wingi kesho Uwanja wa Uhuru, Dar es Salaam kuishangilia timu yao katika mchezo wa Ligi Kuu ya Vodacom Tanzania Bara dhidi ya Lipuli ya Iringa.

Tp Mazembe mabingwa kombe la Shirikisho 2017

TIMU ya TP Mazembe imefanikiwa kutwaa Kombe la Shirikisho la Soka Afrika (CAF) baada ya kulazimisha sare ya 0-0 na wenyeji, SuperSport United Uwanja wa Lucas Moripe mjini Tshwane.

Mazembe inatwaa ubingwa wa Kombe hilo dogo la michunao ya klabu barani kwa ushindi wa jumla wa 2-1 ilioupata mjini Lubumbashi kwenye mchezo wa kwanza.

Ushindi huo, unamaanisha The Ravens wamefanikiwa kutetea taji ambalo walilitwaa kwa mara ya kwanza mwaka jana.

Pamphile Mihayo anakuwa kocha wa 10 Mwafrika kutwaa Kombe la Shirikisho la Soka Afrika ndani ya fainali 14 za michuano hiyo.

Kocha wa SuperSports United ya Afrika Kusini, Eric Tinkler ameshindwa kutimiza ndoto za kutwaa taji la kwanza la michuano ya Afrika.

Mkongwe wa Tunisia, Faouzi Benzarti amebeba taji hilo mara mbili akiwa na Etoile Sahel, mwaka 2006 na 2015.

Ni kati ya makocha watatu walioshinda Kombe la Shirikisho na wakashinda pia Ligi ya Mabingwa, akipata mafanikio akiwa na klabu ya Esperance.

Makocha wengine wawili wazawa waliotwaa mataji yote ya klabu barani AfrikaThe ni Mghana Cecil Jones Attuquayefio, aliyefariki dunia mwaka 2015 na Mmorocco Hussein Amotta.

Attuquayefio alishinda mataji yote akiwa na vigogo wa Accra, Hearts of Oak wakati Amotta alibeba Kombe la Shirikisho akiwa na FUS Rabat na Ligi ya Mabingwa mwaka huu akiwa na Wydad Casablanca.

Kikosi cha SuperSport kilikuwa: Ronwen Williams, Siyabonga Nhlapo/Grant Kekana dk46, Tefu Mashamaite, Clayton Daniels, Aubrey Modiba, Dean Furman, Reneilwe Letsholonyane, Thuso Phala, Sipho Mbule/Kingston Nkhatha dk81, Bradley Grobler na Jeremy Brockie/Dove Wome dk66.

TP Mazembe: Sylvain Gbouhouo, Issama Mpeko, Joel Kimwaki, Chongo Kabaso, Zola Kiaku, Nathan Sinkala, Koffi Kouame, Daniel Nii Adjei/Miche Mika dk64, Adama Traore/Solomon Asante dk74, Ben Malango na Rainford Kalaba/Mechak Elia dk60.

Liverpool v Chelsea hakuna mbabe zatoka 1-1

LIVERPOOL (4-3-3): Mignolet 6; Gomez 6, Matip 7, Klavan 5, Moreno 6; Milner 6, Henderson 6, Coutinho 7 (Lallana 6 88min); Salah 8, Sturridge 5 (Wijnaldum 6 66min), Oxlade-Chamberlain 6 (Mane 88min)
SUBS UNUSED: Karius, Firmino, Robertson, Alexander-Arnold
GOALS: Salah 65


BOOKED:
CHELSEA (3-5-1-1): Courtois 6; Azpilicueta 7, Christensen 6, Cahill 5; Zappacosta 5 (Willian 7 82min), Kante 7, Bakayoko 5 (Pedro 5 76min), Drinkwater 6 (Fabregas 7 74min), Alonso 5; Hazard 8; Morata 7
SUBS UNUSED: Caballero, Rudiger, Moses, David Luiz

GOALS: Willian
BOOKED:
REFEREE: Michael Oliver
ATTENDANCE: 53,225
Ratings by Timothy Abraham

Nani kuibuka kidedea uchaguzi mdogo wa udiwani?

Dar es Salaam. Uchaguzi mdogo wa udiwani katika kata 43 zilizoko kwenye halmashauri 36 za mikoa 19 ya Tanzania Bara unafanyika leo.

Kwa mujibu wa Tume ya Taifa ya Uchaguzi (NEC), uchaguzi huo unafanyika kutokana na sababu kadhaa, zikiwemo madiwani kufariki dunia, kujiuzulu, kutohudhuria vikao na wengine ushindi wao kutenguliwa na mahakama.

Mkoa wa Arusha unaongoza kwa kuwa na kata nane miongoni mwa hizo ni za madiwani waliojiuzulu kutoka Chadema na kuhamia CCM wakieleza ni kutokana na kumuunga mkono Rais John Magufuli.

Uchaguzi huu ni wa pili tangu kuanza mwaka huu. NEC katika taarifa yake imesema inatakiwa kufanya uchaguzi wa madiwani mara mbili kwa mwaka kwa mujibu wa sheria. Uchaguzi mdogo mwingine wa ubunge na udiwani ulifanyika Januari 22 mwaka huu.

Ratiba ya mchakato wa uchaguzi huo ilianza Oktoba 26 kwa vyama vya siasa kufanya uteuzi wa wagombea wa udiwani na kampeni zilianza Oktoba 27 na kuhitimishwa jana.

NEC katika taarifa kwa vyombo vya habari jana imevitaka vyama vya siasa na wadau wa uchaguzi kuhakikisha unafanyika kwa amani na utulivu na kutoa wito kwa wananchi kujitokeza kwa wingi kupiga kura.

Mwenyekiti wa NEC, Jaji Semistocles Kaijage alisema wapiga kura wapatao 333,309 wanatarajiwa kupiga kura katika vituo 884 ambako walijiandikishia kupiga kura katika uchaguzi mkuu wa Rais, wabunge na madiwani wa mwaka 2015.

Alisema tofauti na chaguzi zilizopita, NEC kwa kuzingatia masharti ya Sheria ya Uchaguzi ya Serikali za Mitaa kifungu cha 62 imewaruhusu wapiga kura ambao ama kadi zao za kupigia kura zimepotea, kuchakaa au kufutika kutumia vitambulisho mbadala kwenda katika vituo walivyojiandikisha ili waweze kupiga kura katika uchaguzi huu.

Jaji Kaijage alisisitiza ili kuruhusiwa kutumia kitambulisho mbadala, sharti majina ya mpiga kura yafanane kwa herufi na majina yaliyoko katika kitambulisho mbadala ambayo yako katika Daftari la Kudumu la Wapiga Kura.

Vitambulisho mbadala ambavyo NEC imeruhusu vitumiwe na wapiga kura ni leseni ya udereva, kitambulisho cha uraia kinachotolewa na Mamlaka ya Vitambulisho vya Taifa (Nida) na pasi ya kusafiria.

Pia, aliwataka wasimamizi na wasimamizi wasaidizi wa uchaguzi kutoa kipaumbele kwa makundi maalumu wakati wa kupiga kura, ambayo ni ya walemavu, wajawazito, wenye watoto wachanga, wazee na wagonjwa.

Mwananchi:

Mgombea wa Chadema ashikiliwa na Polisi Malinyi

Morogoro. Mgombea udiwani kwa tiketi ya Chadema Kata ya Sofi wilayani Malinyi, Riko Venance amewekwa chini ya ulinzi na polisi wakati akitembelea kituo cha kupigia kura cha Shule ya Msingi Mission.

Akizungumza na Mwananchi leo Jumapili, Mwenyekiti wa Chadema Kanda ya Kati, Alfonce Mbassa amesema bado hawajaambiwa kwa nini mgombea huyo anashikiliwa na polisi wakati sheria inamruhusu kutembelea vituo.

"Nimepewa taarifa kwamba mgombea wetu anashikiliwa na polisi na hivi ndio naelekea eneo la tukio, bado sijajua kwa nini amewekwa chini ya ulinzi, nitatoa taarifa baadaye," amesema Mbassa.
Kamanda wa Polisi Mkoa wa Morogoro hajapatikana kuzungumzia tukio hilo, jitihada za kumtafuta bado zinaendelea.

Kata ya Sofi ina vijiji vitatu ambapo viwili vinaongozwa na Chadema na kimoja hakina uongozi kwani kilishindwa kufanya uchaguzi kutokana na migogoro ya mipaka.

Kwa mujibu wa sensa ya mwaka 2012 kata hiyo ilikuwa na wakazi 12,000 huku waliojiandikisha kupiga kura mwaka 2014/15 wakiwa 8,700.

Mwananchi:

Ulinzi waimarishwa kila kona Kata ya Ibighi

Rungwe. Ulinzi umeimarishwa kila kona katika Kata ya Ibighi Wilaya ya Rungwe wakati wananchi wakiendelea kupiga kura za udiwani wa kata hiyo.

Katika kata hiyo CCM na Chadema wameweka walinzi wao kwenye maeneo jirani ya vituo vya kupigia kura.

Msimamizi wa Uchaguzi Mbeya, Stevin Mwakingwe amesema hadi sasa upigaji kura unaendelea vizuri huku utulivu ukitawala katika kituo vyote vya kupigia kura.

Mwakingwe amesema vituo vyote 13 vya kupigia kura vimefunguliwa na kuanza kazi saa1:00 asubuhi na watu wanazidi kujitokeza kwa wingi.

“Nashukuru hadi muda huu watu wanaendelea kupiga kura kwa utulivu kabisa kama unavyoona mwenyewe (mwandishi). Sijapokea malalamiko yoyote kutoka kwa wapiga kura, wasimamizi au mawakala," amesema Mwakingwe.

Amesema kata hiyo ina wapiga kura 4,591 ambao wanatarajia kupiga kura leo Jumapili.

Wagombea udiwani Kata ya Ibighi wapo watano ambao ni Suma Fyandomo (CCM),  Lusubilo Simba (Chadema), Geoffrey Mwakajinga (UDP), Emmanuel Mwasilembo (DP) na Grace Ngalaba (CUF).

Mwananchi:

BALAA LA WOWOWO !!! Zaiid kafunika FIESTA DSM !!!! + OMG

NANDY KAZINI !! Kitu amefanya FIESTA DSM 2017

MABIBI NA MABWANA !! Hii ndio ya Alikiba FIESTA DSM