MAGAZETI YA LEO 28/10/2017

 Winoke Media Saturday, October 28, 2017 

Mkuu wa Wilaya apiga marufuku kuajiri mlinzi asiyepata mafunzo ya mgamb

Mkuu wa Wilaya apiga marufuku kuajiri mlinzi asiyepata mafunzo ya mgambo

  Saturday, October 28, 2017 

Mbulu. Mkuu wa Wilaya ya Mbulu mkoani Manyara, Chelestino Mofuga amepiga marufuku raia wa kawaida kuajiriwa kwa kazi ya ulinzi bali shughuli hiyo wapatiwe askari wa jeshi la akiba la mgambo.

Pia, vijana wote wanaohitaji kujiunga na Jeshi la Kujenga Taifa (JKT) ni lazima wapite kwenye mafunzo ya mgambo.

Mofuga aliyasema hayo juzi kwenye uzinduzi wa mafunzo ya mgambo kwa wanafunzi 171.

Alisema atawachukulia hatua watakaoajiri raia wa kawaida kulinda ofisi, maeneo ya biashara, taasisi binafsi na za Serikali badala ya kuwatumia askari mgambo.

Mofuga alisema vijana wote wa Mbulu watakaotaka kujiunga na JKT ni lazima wapitie mafunzo ya mgambo ndipo waombe nafasi hiyo.

“Pamoja na hayo nawapongeza wananchi wa Mbulu kwa kuitikia wito wa vijana kujiunga kwa wingi kwenye mafunzo ya mgambo kwa ajili ya faida yenu,” alisema Mofuga.

Alifafanua kuwa kupitia mafunzo hayo, vijana wengi watanufaika nayo na wataweza kupata ajira mbalimbali tofauti na kabla ya kushiriki mafunzo hayo.

“Pia nachukua nafasi hii kwa kuwahamasisha wananchi wa Mbulu kujitokeza kwa wingi katika zoezi la kujiandikisha kupata vitambulisho vya Taifa,” alisema Mofuga.

Mmoja ya washiriki 171 wa mafunzo hayo, John Amnaay alimshukuru mkuu huyo wa wilaya kwa kukataza ajira za ulinzi kutolewa kwa raia wa kawaida.

“Tuna ari ya kushiriki mafunzo ya jeshi la mgambo na tunatoa ahadi ya kuzingatia masomo tutakayopatiwa na walimu wetu,” alisema.

Wafugaji na Wakulima watupiana maneno

   Saturday, October 28, 2017 

Tanga. Wafugaji na wakulima wa Kijiji cha Perani wilayani Mkinga wametupiana maneno mbele ya Naibu Waziri wa Mifugo na Uvuvi, Abdallah Ulega huku kila mmoja akimtuhumu mwenzake kuwa kinara wa kuvamia eneo kwa shughuli mbalimbali.

Tukio hilo lilitokea jana wakati Ulega alipotembelea kijiji hicho kwa lengo la kukutana na wakazi wa eneo hilo wakiwamo wakulima na wafugaji kwa ajili ya kuzungumza changamoto zinazowakabili.

Wakulima walimweleza Ulega kuwa wamekuwa wakitumia muda mwingi kulinda mashamba yao kutokana na uwapo wa kundi kubwa la ng’ombe wanaopelekwa na wafugaji.

“Mheshimiwa waziri huwezi kufanya chochote kama umepanda mazao shambani kwa jinsi ng’ombe wanavyoshambulia shamba lako. Ni vigumu shamba kufuata ng’ombe sasa nawashangaa wenzetu wanavyosema tunawavamia,” alisema Said Kokoi.

Alisema hali inakuwa ngumu inapotokea mkulima anajaribu kuwaondoa ng’ombe hao shambani kwake kwa kuwa kundi la wafugaji wa jamii ya wamasai linamfuata na kuanza kumshambulia kwa silaha.

“Jambo hili linatuuma mheshimiwa kwa sababu watu wanapotea katika mazingira ya kutatanisha na siku ya kuonekana wanakuwa maiti,” alisema Kokoi.

Hata hivyo, mfugaji Moi Sangaine alimweleza Ulega kuwa wakulima wamekuwa wakorofi kwa kuziba njia ambayo mifugo yao inatakiwa ikanywe maji.

“Wakulima wanaziba njia za mifugo yetu kwenda kunywa maji kutokana na kilimo chao. Ukithubutu kupitisha mifugo ni mgogoro kwa sababu unaharibu mazao yao,” alisema Sangaine.

Hata hivyo, mwenyekiti wa kijiji hicho, Letinga Oyaya alisema eneo hilo lina mpango wa matumizi bora ya ardhi lakini anashangaa ni kwa nini mamlaka husika zinashindwa kusimamia jambo hilo na hivyo kusababisha mgogoro.

“Endapo mpango huu ungekuwa unatekelezwa kikamilifu hatuwezi kufikia hatua hii ya mapigano na kusababisha watu kuishi kwa hofu. Nimeliwasilisha jambo hili mara nyingi katika wilaya lakini hakuna utekelezaji,” alisema Oyaya.

Kutokana na malalamiko hayo, Ulega aliwasihi wafugaji na wakulima kuacha mapigano.

Ulega alisema huu ni wakati wa kuishi kwa amani na utulivu kwa kuwa suala hilo litafikishwa kwenye mamlaka husika kwa ajili ya utatuzi.

Pia, aliwatoa hofu wafugaji kuhusu mchakato wa upigaji chapa wa ng’ombe na kusema Serikali haina nia ya kuchukua mifugo bali utaratibu huo umelenga kutambua mifugo yote nchini.

Watupwa jela miaka 20 kwa kukutwa na meno ya Tembo

  Saturday, October 28, 2017 

MAHAKAMA ya Wilaya ya Dodoma, imewahukumu wakazi wawili wa Dodoma kifungo cha miaka 20 jela kila mmoja kwa kosa la kukutwa na nyara za serikali.

Waliohukumiwa ni Jumanne Mlaga na Alfred Nyagawa ambao walikutwa na bunduki moja na meno mawili ya tembo na mifuko yake
kinyume cha sheria ya wanyamapori.

Akisoma hukumu hiyo jana, Hakimu Mkazi Mfawidhi wa Mahakama hiyo, James Karayemaha, alisema imewatia hatiani kutokana na kosa hilo ambalo walilifanya Aprili, 2016.

Alisema katika kesi hiyo upande wa mashtaka uliwasilisha mashahidi sita na vielelezo tisa ambavyo vimewatia hatiani washtakiwa hao.

Pia alisema washtakiwa kutokana na kutiwa hatiani, wamehukumiwa kwenda kutumikia adhabu hiyo na kwamba kama hawajaridhika, wana haki ya kukata rufani.

Alipongeza jitihada za mawakili kusimamia masuala ya ujangili jambo ambalo linachangia kupunguza wahalifu kwa upande wa maliasili na hifadhi zake.

Hakimu alisema mahakama imetoa adhabu hiyo ili iwe fundisho kwa wengine ambao wanajihusisha na
biashara hiyo haramu.

Alisema pamoja na adhabu hiyo, pia mahakama imetaifisha bunduki moja na meno ya tembo waliyokutwa nayo.

Kabla ya kutolewa hukumu hiyo, wakili wa washtakiwa hao, Magiri Mbasha, aliiomba mahakama iwapunguzie adhabu kwa sababu washtakiwa wana wazazi wanaowategemea.

Hata hivyo, Hakimu Karayemaha alisema hakuna sababu ya kuwapunguzia adhabu kwa sababu kila Mtanzania ana wazazi na familia ambazo zinawategemea, hivyo adhabu hiyo ni stahiki kwao kwa sababu wamelisababishia taifa hasara kubwa kwa kuwa tembo wengi wanapotea.

Kwa pande wake, Wakili wa Serikali, Salim Msemo, alidai vitendo vya ujangili vimesababisha tembo kupungua kwenye hifadhi mbalimbali kutoka asilimia 60 hadi 40.

Alidai kuwa adhabu hiyo inawastahili na mahakama itoe adhabu ambayo itakuwa fundisho kwa sababu wamekuwa wakitumia wanyamapori kujinufaisha na familia zao badala ya serikali kunafaika.

Taarifa ya watoto 9 kufariki kutokana na kukatika kwa umeme yakanushwa

  Saturday, October 28, 2017 

Mganga Mkuu Mkoa wa Arusha Dkt. Wonanji Timoth amekanusha taarifa za kufariki kwa watoto 9 waliokuwa kwenye Incubator kutokana na katizo la umeme hapo jana hospitali ya Mt. Meru, na kusema kwamba taarifa hizo hazina ukweli wowote.

Dkt. Timoth amesema kwamba watoto waliofariki walikuwa wanne na sio 9 kama inavyoelezwa kwenye taarifa iliyosambaa mitandaoni, na wamefariki kwa matatizo mengine lakini sio kukatika kwa umeme.

Dkt. Timoth ameendelea kwa kueleza kwamba moja ya sababu iliyofanya watoto hao kufariki ni mama kuchelewa kufika hospitali kujifungua kwa kuwa alijifungulia nyumbani, pamoja na hatari kubwa wanazopata watoto njiti.

Ray: Okwi hawezi kuifunga Yanga

  Saturday, October 28, 2017 

Vincent Kigosi ‘Ray’.

MSANII wa Bongo Movie’s, Vincent Kigosi ‘Ray’ amewaambia mashabiki wenzake wa Yanga kuwa, wasihofi  mabao ya Emmanuel Okwi wa Simba, kwani huwa anazifunga timu ndogo tu.

Yanga leo Jumamosi inacheza na Simba kwenye Uwanja wa Uhuru, Dar es Salaam mechi ya Ligi Kuu Bara raundi ya nane.

Mpaka sasa Okwi ndiye kinara wa mabao akiwa nayo nane.

Ray alisema: “Yanga ipo vizuri kila idara hivyo na ninaamini haitatuangusha kwenye mchezo huu ingawa wapinzani wanapiga kelele za Okwi, watambue kuwa huyo haiwezi Yanga.

“Okwi anaonekana katika mechi ndogo lakini katika mechi kubwa anafunikwa hivyo wasitegemee jipya kutoka kwake.”

TANGAZO: TUNZA GARI YAKO NA KICHOCHEO CHA NANO ( NANO ENERGIZER )

 Muungwana Blog 2  Saturday, October 28, 2017 

 Tunakitambulisha kichocheo madhubuti cha Nano  kilichothibitishwa ubora wake na shirika la
viwango la kimataifa (ISO 9001:2015). Hii ni teknolojia ya kipekee na ya kimapinduzi kwenye tasnia ya magari na mitambo. kichocheo cha Nano kimetengenezwa na teknolojia ya kisasa duniani ya Nano (Nano technology) kwa ajili ya kuikarabati na kuipa ulinzi injini ya gari yako bila kuifungua. Kichocheo cha Nano huziba mikwaruzo yote ndani ya injini na kuirudisha nguvu ya injini kama ilivyokuwa mpya. Wasiliana nasi kupitia Namba 0715480174.

 Kichocheo cha Nano kinaipa injini ganda au tabaka gumu la ceramic na platinum. Tabaka hili linafanya muunganiko wa kudumu na chuma cha injini (cylinder wall) na kina uwezo madhubuti wa kuhimili uchakavu na michubuko itokanayo na msuguano. Inarudisha uwezo wa kusukuma wa injini (compression ratio) kwa kuweka ganda gumu kwenye ukuta wa cylinder.

FAIDA ZA KICHOCHEO CHA NANO.

• Hupunguza matumizi ya mafuta kwa 8% - 21%.

• Huongeza nguvu ya injini hadi kufikia 100%.

• Hupunguza mlio na makelele ya injini na mtetemo hadi Mara 5 zaidi.

• Inatoa ulinzi wa injini hadi kufikia 40000 km.

• Husaidia Kuboresha uhai wa injini na vifaa vingine.

• Hulinda injini na kuirudisha kwenye ubora wake kama ilivyokuwa mpya.

• Huongeza msukumo wa injini na kuboresha uunguaji wa mafuta.

• Hulainisha usukani na gear box.

• Hupatikana kwa magari ya aina zote, generator, compressor, pikipiki, bajaji na kila aina ya mtambo.

• Hupunguza utoaji wa moshi kati ya mara 3 hadi 9.

• Ina garantii ya utendaji kazi kwa 100%.

• Haiharibiki kwa nanma yoyote ile.

• Bidhaa bora kabisa iliyothibitishwa kimataifa na kitaifa.

• Inakupa faida ya kutoifungua injini hivyo kuongeza thamani ya gari hata ukitaka kuiuza.

• Inakupa faida ya kupata mafuta bure kila unapoweka kwa mara ya 9.

Faida isiyolinganishwa ya ulinzi wa gari lako hadi kufikia km 40000 kwa sh 60000 tu ukilinganisha na gharama za  mafuta na services kwa kipindi hicho.


MATUMIZI

• Injini inatakiwa iwe imetumika kwa km 3000.

• Kichocheo cha Nano kinatumika kwa injini za aina yoyote inayotumia oili ya aina yoyote (mineral or synthetic oils).

• Ili kupata matokeo bora zaidi weka unapofanya service.

• Ipashe injini yako.

• Tikisa kichocheo cha Nano kabla ya kuweka kwenye injini.

• Fungua kifuniko cha injini oili halafu mimina kichocheo cha Nano.

• Funga kifuniko. Hongera, umefanikiwa.

• Baada ya kumimina kichocheo cha Nano usibadili oili ya injini mpaka kipindi cha matumizi 

yafuatayo (kilomita 400 kwa pikipiki na bajaji, kilomita 1200 - 1500 kwa magari madogo na kilomita 3000 kwa malori na mabasi).


MAPENDEKEZO.
Kichocheo cha Nano kimefanyiwa majaribio na kukubaliwa na taasisi zifuatazo.

Chuo kikuu cha Taifa cha Kyungpook - Korea.

Chuo Kikuu cha Taifa cha Seoul - Korea.

Taasisi ya Korea ya Mashine na Vifaa.

Chuo Kikuu cha Yeungnam - Korea.

Taasisi ya Korea ya Teknolojia ya magari.

Kituo cha Jeshi la Anga la India.


UTHIBITISHO WA UBORA.

Kichocheo cha Nano kimefanyiwa majaribio maabara, kuthibitishwa, kukubalika na kutunukiwa vyeti vya ubora na taasisi zifuatazo.


Shirika la Ubora la Kimataifa ISO 9001:2015.

Shirika la viwango la Tanzania - TBS.

Mkemia mkuu wa serikali ya Tanzania - GCLA.
Maabara ya kimataifa ya SGS.

Maabara ya kimataifa ya TUV SUD Industrie Service GmbH.


USHUHUDA / MAPENDEKEZO.

Kichocheo cha Nano kimefanyiwa majaribio na makampuni ya kutengeneza magari, kimethibitishwa na kupendekezwa kutumika na makampuni yafuatayo.

MERCEDES BENZ

TOYOTA

GM DAEWOO

VOLVO

HONDA

HYUNDAI

AUDI

kichocheo cha Nano sasa kinapatikana Tanzania na kusambazwa na POWER ENERGY ENGINEERING COMPANY LTD. Tunakaribisha mawakala kutoka wilaya zote za Tanzania. Wasiliana nasi kupitia Namba 0715480174.

Kwa wafanyabiashara: usiikose fursa hii ya kibiashara.

Kwa wamiliki wa vyombo vya moto (Magari, pikipiki, bajaji nk): Tumia Kichocheo cha Nano kwa ulinzi madhubuti wa chombo chako.


ANGALIA VIDEO HII UONE JINSI NANO INAVYOFANYA KAZI..

Wabunge wa namna hii CCM kushughulikiwa

   Saturday, October 28, 2017 

Chama cha Mapinduzi (CCM) kimesema kuwa tayari toka mwaka jana kimeanza mchakato ndani ya chama hicho kuhakikisha kinawashughulikia wabunge na viongozi mbalimbali ndani ya chama na serikali ambao wamekuwa wakituhumiwa kwa kashfa mbalimbali.

Katibu wa Halmashauri Kuu Itikadi na Uenezi (CCM) Humphrey PolePole amesema kuwa mchakato wa kuwashughulikia viongozi mbalimbali ambao wanatuhuma mbalimbali umeanza na kusema wao watatenda haki kwa kuwapa nafasi ya kujieleza juu ya shtuma hizo au kashfa hizo na baadaye uongozi wa chama utafanya maamuzi juu ya watu hao.

"Serikali hii imejikita kutetea na kusimamia haki na kuhakikisha uadilifu unasimamiwa na hakika haki itasimamiwa na mchakato mzuri wetu wa chama kuhakikisha kwamba mtu ameulizwa, amepewa tuhuma zake na amejitetea lakini sisi tunafanya uamuzi na tumeshakwisha anza kufanya uamuzi toka mwaka jana na mwaka huu katika vikao vinavyokuja na hakika Watanzania wawe na masikio tayari kuweza kujua na tutaendelea kudhihirishia Umma kuwa tunamaanisha kwenye mambo ya maadili" alisema Polepole

Rais Magufuli aliwahi kumuomba Spika wa Bunge, Job Ndugai kuwa Bungeni wanaweza kuwa utaratibu wao kuwaandikia viongozi wa vyama vya siasa juu ya wabunge mbalimbali ambao wanakuwa wakitajwa tajwa kuhusika kwenye kashfa mbalimbali ili vyama hivyo viweze kufanya maamuzi ya kuwaondoa wabunge hao au viongozi hao katika nyadhifa zao na kuwazuia kugombea tena. ;;

Kampuni zashindania kukuza bangi Denmark

 Winoke Media  Saturday, October 28, 2017 

Kampuni nchini Denmark zimeanza kuwasilisha maombi kwa serikali kupata idhini ya kukuza bangi kujiandaa kwa wakati ambao bangi itakuwa halali nchini humo mwaka ujao.

Kampuni 13 tayari zimewasilisha maombi kwa idara ya serikali inayohusika ya Laegemiddelstyrelsen.

Bangi itakuwa halali kutumiwa kama dawa na watu wanaotatizwa na magonjwa yenye uchungu mwingi kama vile saratani na kuganda kwa misuli.

Kuanzia Januari 2018, bangi itakuwa inatolewa kama dawa kwa wagonjwa kwa majaribio ya kipindi cha miaka minne.

Gazeti la Copenhagen Post linasema kuanzia wakati huo, wagonjwa wanaweza kupendekezewa bangi kama dawa na daktari nchini humo.

Lakini bunge bado linajadiliana kuhusu mfumo utakaotumiwa.

Hilo limezifanya kampuni kubwa za kilimo cha mboga na matunda nchini humo kama vile Dansk Gartneri ya Jorgen K. Andersen kutowasilisha maombi kwa sasa.

Bw Andersen ameambia tovuti ya fyens.dk kwamba kampuni yake inatazamia kwamba kutakuwa na mkanganyiko mkubwa katika kutolewa kwa idhini ya kukuza bangi.

Baadhi ya kampuni hata hivyo zinakusudia kukuza sekta ya bangi Denmark na kuuza dawa hiyo maeneo mengine ya nje ambapo bangi ni halali.

Lars Tomassen, mkurugenzi wa Danish Cannabis anasema kwa sasa inaweza kugharimu krone 6,000 ($935; £715) kila mwezi kumtibu mgonjwa wa kawaida kwa kutumia bangi kama dawa

Profesa Jay afungukia ukimya wake

 winoke media  Saturday, October 28, 2017 

BAADA ya mashabiki wake wengi kutaka kujua kwa nini yupo kimya kwenye anga la muziki, mkongwe Bongo Fleva ambaye pia ni Mbunge wa Jimbo la Mikumi, Morogoro, Joseph Haule ‘Profesa Jay’ ameibuka na kuwaeleza kinachomsibu.

Akipiga stori na baada ya kuulizwa sababu za kuwa kimya, Profesa Jay alisema bado anaweka mambo ya kifamilia sawa na yakishakuwa vizuri ndipo atakaporejea tena.

“Kuna mambo mengi ya kifamilia yananiweka bize, najitahidi kuyaweka sawa yakikamilika mashabiki wangu watarajie muziki mzuri kutoka kwangu. Niwaombe tu wawe na subira kwani mambo mazuri hayataki haraka,” alisema Profesa Jay.

Ruby: Siwezi kupotea kwenye mziki kisa kuzaa

 Winoke Media Saturday, October 28, 2017 

MWANADADA kutoka kiwanda cha muziki wa Bongo Fleva, Hellen George ‘Ruby’ amefunguka kuwa hawezi kupotea kimuziki kisa kuzaa.

Ruby aliiambia Mikito Nusunusu kuwa, anatamani sana kuitwa mama na haofii kuwa atapotea kimuziki kama inavyotokea kwa wasanii wengine kwa sababu amejipanga kikamilifu.

“Natamani sana kuitwa mama kwa kweli na ikitokea muda wowote nitamshukuru Mungu na nitazaa maana sina kipingamizi, siwezi kupotea kimuziki maana mtoto ni moja ya baraka pia,” alisema Ruby.

Mambo 10 yatakayojitokeza leo katika mechi ya Yanga vs Simba

 Muungwana Blog 2  Saturday, October 28, 2017 

YANGA na Simba zinakutana leo Jumamosi kila moja ikiwa imepania kushinda mechi hiyo ya Ligi Kuu Bara kwenye Uwanja wa Uhuru jijini Dar es Salaam.

Pamoja na yote, watani wanapokutana kunakuwa na burudani nyingi sana ambazo zinatofautisha aliye uwanjani na atakayeangalia katika runinga.

Kwenye Uwanja wa Uhuru, idadi ya mashabiki wanaotakiwa kuingia ni 23,000 tofauti na 60,000 kwenye Uwanja wa Taifa. Pia kumbuka mechi hii ya watani inarejea kwenye uwanja huo baada ya kipindi kirefu.

Kutakuwa na mengi ambayo yatajitokeza ndani na nje ya uwanja, lakini nakupa 10 tu ambayo kwa asilimia 90 utayaona.

Wasio na tiketi:
Watu watajitokeza wengi zaidi kuliko idadi ya wale walio na tiketi na watajazana nje ya uwanja na kusababisha kero kubwa nje ya uwanja.

Bado kuna tabia ya watu kuamini kuwa wanapokwenda uwanjani kuna nafasi ya kuingia angalau kwa njia za mkato. Hivyo hawatakubali kuondoka mapema badala yake wataendelea kujaribu kutafuta njia ya kuingia kadiri itakavyowezekana.

Watu wa dezo:
Kuna mashabiki wa soka ambao wataonekana kwenye Uwanja wa Taifa (labda makala hii iwaponze).

Hao watakuwa wakishuhudia mechi hiyo inayoendelea kwenye Uwanja wa Uhuru bila ya kiingilio kwa kisingizio kuwa ni wafanyakazi wa uwanja huo. Inawezekana wako wataitumia nafasi hiyo kujiingizia kipato.

Hawataona mechi:
Kuna asilimia kubwa ya watakaokwenda uwanjani hawataona mechi hiyo ya watani.

Kwani hawatakuwa na tiketi lakini watakuwa na matumaini ya kujipenyeza ili kuona mechi hiyo. Hii itawafanya wajikute hadi mapumziko hawajaingia na ikiwezekana kipindi cha pili kitawakuta hapo wakishangilia mabao kwa hisia au kuhadithiwa kwa kuwa hawataweza kuingia.

Mzozo jukwaa kuu:
Baada ya zaidi ya miaka 10, mechi ya watani wa jadi Simba na Yanga imerejea katika Uwanja wa Uhuru. Wako mashabiki hawakuwa wamewahi kuanza kuingia uwanjani timu hizo zikicheza Uwanja wa Uhuru wakati huo Uwanja wa Taifa.

Hao watapata shida kubwa kutokana na aina ya ushangiliaji zinapokutana Yanga na Simba kwenye uwanja huo na hasa jukwaa kuu kwani wanakuwa karibu na mazoezi ya Uwanja wa Taifa yanaweza kuwasumbua na kutakuwa na mizozo mingi sana.

Tafrani ya mgawo:
Kama nilivyoeleza, mechi hiyo imerejea tena Uwanja wa Uhuru na inachezwa kwa mara ya kwanza kukiwa na jukwaa la mzunguko. Kwa wanaokumbuka kabla kulikuwa na jukwaa kuu ambalo lipo hadi sasa, Jukwaa la Kijani maarufu kama Green Stand ambalo lilivunjwa na mzunguko ambalo watu walikuwa wakisimama.

Upande wa Green Stand na mzunguko ndipo palipojengwa jukwaa jipya. Hivyo Simba na Yanga hazijawahi kukutana kukiwa na jukwaa hilo. Hivyo lazima kutakuwa na shida ya kugawana wapi sahihi pa kukaa na hawa wanaishia wapi na lazima askari polisi watalazimika kuingilia kati.

Ajibu ugumu:
Tukirejea uwanjani, mshambuliaji Ibrahim Ajibu wa Yanga atakuwa na wakati mgumu kwa kuwa mashabiki wa Simba watafurahi sana kumuona akiharibu na ikiwezekana kumzomea kila mara na atalazimika kufunga au kutoa pasi ya bao ili kuwanyamazisha.

Hali kadhalika, Emmanuel Okwi naye atakumbana na hali hiyo kutoka kwa mashabiki wa Yanga ambao wasingependa kumuona hata akicheza mechi hiyo.

Makocha:
Makocha wote wawili, Joseph Omog wa Simba na George Lwandamina wa Yanga watakuwa katika wakati mgumu sana na utaona wakiwa na presha muda mwingi hawatatulia katika mabenchi yao.

Kila mmoja anajua kupoteza mchezo wa leo kunaweza kukawa ni njia ya kutokea. Hivyo lazima atakuwa akisimama kila mara kuhakikisha anaweka mambo sawa na kama atazidiwa na kuona anashindwa kufanya hivyo, mara nyingi watawatuma wasaidizi wao ikiwezekana wasikae karibu muda wote wa mechi.

Mfungaji:
Timu yoyote inaweza kushinda kwa kuwa timu hizo zinafanana sana hasa kitakwimu kulingana na mechi zilizocheza.

Uwezekano mkubwa wa wafungaji kutokuwa Okwi wala Ajibu kwa kuwa kila timu itafanya kazi kubwa ya kuwalinda halafu ikajisahau na kutoa nafasi kwa wengine.

Kadi:
Mechi ya leo ina nafasi kubwa ya kadi hasa kama timu itashindwa kufunga au kutimiza inachotaka.

Inawezekana kabisa wachezaji wa Simba wakaanza ‘kupanik’ kama watakufungwa mapema au Yanga wakawa hivyo kama watafungwa halafu wakashindwa kusawazisha katika kipindi wanachotarajia.

Hali hii inaweza kumsababisha mwamuzi kutoa kadi za njano au hata nyekundu kutokana na hali ya kupanik kutokana na presha ambayo wachezaji wanaipata.

Ushirikina:
Hili halina nafasi kubwa lakini kwa mfumo wa uwanja ulivyo tofauti na Uwanja wa Taifa, kuna nafasi kubwa ya mambo ya kishirikina kujitokeza.


Uwanja wa Uhuru uko wazi zaidi na haufichi mambo ambayo yamekuwa yakifanyika hasa kuhusiana na imani chafu za kishirikina. Inawezekana timu hata zikawa tayari kutozwa faini ili kufanya mambo hayo “kujiridhisha”