VIDEO: Taarifa Rasmi Ya TFF Kufuta Ndondo Cup

Shirikisho la mpira wa miguu Tanzania (TFF) limekanusha taarifa zinazosambaa kwenye mitandao ya kijamii kuhusiana na kufuta Ndondo Cup.

Kupitia msemaji wake Alfred Lucas amesema kuwa "kuna upotoshaji unaofanywa kwa makusudi kuwa Rais wa Shirikisho la mpira wa miguu Tanzani (TFF), Wallace Karia kafuta mashindano ya Ndondo Cup taarifa hizi sio sahihi alichokisema Rais Karia ni kuwa TFF inaandaa kanuni ili mashindano yote ya aina hiyo yakidhi vigezo katika utaratibu mzuri na watapata vibali kupitia FA wilaya na mikoa baada ya kutimiza vigezo  vitakavyowekwa wakati yale yenye sura ya kitaifa yatapata kibali kutoka TFF" Alfred Lucas.

Aidha kupitia mkutano, Timu ya Soka ya Mbao FC inayoshiriki Ligi Kuu Tanzania Bara Leo imesaini mkataba wenye thamani ya Sh 100M na Kampuni ya Hawaii ambao ni watengenezaji wa maziwa ya CowBell.

Akizungumza na wandishi wa habari wakati wa kutiliana saini mkataba huo, Meneja Masoko wa CowBell Elisaria Ndeta amesema wameamua kuendeleza udhamini wao kwenye Timu hiyo kutokana na kuridhishwa na kiwango chao pamoja na umoja uliopo.

" Udhamini huu ni wa Sh 100Milioni ambapo Million 70 italipwa Cash na 30Milioni itatumika kwenye vifaa vya michezo, tunaamini Mbao itaendeleza ushirikiano mzuri na udhamini huu utawasaidia kufanya vizuri" Alisema Ndeta.

Pia Mbao Fc kupitia Mwenyekiti wake wametambulisha jezi yao mpya ambayo itatumika msimu huu.

TAZAMA FULL VIDEO HAPA CHINI........USISAHU KUSUBSCRIBE

Pretty Kind afunguka kufanyishwa ngono

Msanii wa muziki na filamu Suzan Michael maarufu kama 'Pretty Kind', ambaye alishawahi kupelekwa nchini India na marafiki na kwenda kufanyishwa biashara ya ngongo, atoa siri ya watu wengi waliopo huko na hofu yao ya kurudi nyumbani.
Akizungumza kwenye Planet Bongo ya East Africa Radio, Pretty Kind amesema maisha wanayoishi wasichana wanaotoka huku na kwenda kule ni magumu, kiasi kwamba wanahofia hata kurudi nyumbani kwni hawana kitu chochote wala fedha.
Pretty Kind ameendelea kueleza kuwa maisha ya biashara ya ngono yanawapa wakati mgumu kwani kuna muda wanashindwa hata kula pamoja na kupatwa na misuko suko mingine, lakini wanaona aibu kuja kuzikabili familia zao baada ya kuziacha kwa muda mrefu.
"Unajua mi nilivyochukulia mara ya kwanza yatakuwa ni maisha kama tunavyoishi bongo, nilienda kule niliitwa na msichana mwenzangu akaniambia nitapata kazi ya hela nyingi, nilipofika nikashangaa, watu niliowakuta kule maisha magumu, wanatamani kurudi nyumbani lakini wanaona aibu, anatrudije nyumbani hana kitu cha maana, na familia inajua yuko nje, na kwanza muda mwengine unakuwa ushanyang'anywa passport unalipa madeni ya watu", amesema msichana huyo ambaye kwa sasa amegeukia bongo fleva.
Pretty Kind hivi sasa ana kazi mpya ya bongo fleva inayoitwa 'Vidudu washa' aliyomshirikisha Gigy Money, baada ya kujaribu kwenye filamu nakuona h

Lukuvi ametoa onyo kwa Vishoka Wa Ardhi

Serikali imekemea baadhi ya wawekezaji wanaotumia vibaya jina la Wizara ya Ardhi, Nyumba na Maendeleo ya Makazi kwa kuwatoa wananchi katika maeneo yao kwa kisingizio cha kupewa kibali na wizara hiyo wakati sio kweli.
Kauli hiyo imetolewa na Waziri mwenye dhamana ya Wizara ya Ardhi William Lukuvi ambapo amewaonya baadhi ya wawekezaji ambao wameonekana kushirikiana na baadhi ya watumishi wa serikali katika kunyang'anya haki za wananchi kitendo ambacho amesema kwa utawala wa serikali hii ya awamu ya tano hakina nafasi.
Ameongeza kwamba, kwa sasa serikali inaendelea na zoezi la kurudisha ardhi ya wananchi mikononi mwao bila ya gharama yeyote na kwa yale maeneo ambayo yatabainika kuwa na ukiukwaji wa umiliki watayarudisha kwa wenyewe ili kuendelezwa.
Mh. Lukuvi amesema zoezi la utambuzi wa umiliki wa maeneo na urasimishaji ni endelevu kwa mikoa yote nchini lengo ni kujua maeneo yanayomilikiwa kihalali na kumaliza migogoro ya ardhi ambayo imeonekana bado ni changamoto kwa maeneo mengi mijini na vijijini.

Dk Tulia azindua Mradi Wa maji Kata ya ilemi mbeya

Naibu Spika wa Bunge la Jamhuri ya Muungano wa Tanzania ,Dkt.Tulia Ackson amewataka wananchi kuheshimu na kuitunza miradi mbalimbali inayoibuliwa na wadau bila kujali itikadi ya vyama vyao vya siasa.
Dkt.Tulia ameyasema hayo wakati akizindua mradi wa maji katika kata ya Ilemi Jijini Mbeya, mradi ulioibuliwa na chama cha mapinduzi CCM na kujengwa kwa nguvu za wananchi kutokana na eneo hilo kukabiliwa na kero ya uhaba wa maji kwa muda mrefu.
“Ni vizuri tukaitunza na kuiheshimu miradi mbalimbali inayotolewa na wadau wetu na tukaachana na itikadi zetu za kisiasa na kuacha kuhujumu miundombinu hiyo kwa kuwa lengo la miradi ni kuwanufaisha watanzania wote bila kubagua.”,amesema Dkt.Tulia
Kata ya Ilemi Jijini Mbeya inadaiwa kukabiliwa na kero ya uhaba wa maji kwa muda mrefu huku wadau mbalimbali wakionyesha jitihada ya kutatua kero ya maji katika eneo hilo.

Waziri ashiriki ujenzi Wa shule

Naibu Waziri wa Afya, Maendeleo ya Jamii, Jinsia, Wazee na Watoto, Dk. Faustine Ndugulile, ameshiriki kazi ya ujenzi wa Shule ya Msingi Chambasi wilayani Kisarawe, ikiwa ni kuamsha ari ya wananchi kushiriki shughuli za maendeleo katika maeneo yao.
Akizungumza mwishoni mwa wiki wakati wa ujenzi huo, Dk. Ndugulile alisema kuwa kwa kipindi kirefu dhana ya wananchi kujitolea katika kufanya kazi za maendeleo imepungua kwa kiasi kikubwa na kuiachia Serikali ikitoa kila kitu kutekeleza miradi ya maendeleo hata kama inawezekana kazi hizo kutekelezwa na wananchi.
Alisema kipindi cha sasa cha Serikali ya Awamu ya Tano ya Hapa Kazi Tu, wananchi hawana budi kujitoa katika kufanya shughuli za maendeleo katika maeneno hayo ili kuisaidia Serikali na kujisaidia wao wenyewe kujiletea maendeleo.
“Msisubiri kila kitu kifanywe na Serikali, vingine mnaweza kufanya wenyewe, hongereni sana, ninyi ni mfano wa kuigwa kwa vijiji vingine katika hili,” alisema Dk. Ndugulile.
Kwa upande wake, Ofisa Mtendaji wa Kijiji cha Chambasi, Fodia Tungaraza, alisema mradi huo wa ujenzi wa shule umeibuliwa na wananchi wenyewe mara baada ya watoto wao kutembea umbali mrefu kwenda kijiji cha jirani kuifuata Shule ya Msingi Msimbu, takribani kilomita sita, hivyo kuhatarisha maisha na usalama wa wanafunzi hao.
Naye Mwalimu Mkuu wa Shule ya Msingi Msimbu, Hussein Mkambara, ambaye pia anasimamia Shule ya Chambasi hadi itakapopata usajili, ameishukuru Serikali kwa kuona na kuwaunga mkono katika jiitihada za kujikwamua katika changamoto waliyokuwa nayo kwa kipindi kirefu.
Dk. Ndugulile alifanya ziara ya siku moja katika Wilaya ya Kisarawe mkoani Pwani kwa kushiriki ujenzi wa madarasa ya Shule ya Msingi Chambasi, kuvitembelea vikundi vya wanawake vinavyojishughulisha na biashara, viwanda vidogo vidogo vinavyowezeshwa na Mfuko wa Maendeleo ya Wanawake na mahakama inayohusika na mashauri ya watoto.

BASATA yaikana kamati ya Miss Tanzania

Baraza la Sanaa Tanzania (BASATA) limekanusha taarifa iliyotolewa na waandaaji wa shindano la Miss Tanzania ya LINO Agency, kwamba Baraza hilo ni moja ya chanzo cha kukwamisha shindano hilo kufanyika.
Kweye taarifa iliyotolewa kwa vyombo vya habari, BASATA imesema ilitoa kibali cha muda kwa kampuni hiyo kuweza kushughulikia matatizo yake, pamoja na kuratibu safari ya Miss Tanzania 2017 aliyeshiriki mashindano ya Miss World mwaka huu.
Taarifa hiyo imeendelea kwa kutoa wito kwa makampuni yanayoandaa mashindano ya sanaa kuongeza weledi, na kuzingatia sheria, ili kuepuka matatizo kama hayo.

Serikali yatoa taarifa hii kuhusu kuzimwa kwa 'chaneli' za bure kwenye ving'amuzi

Kufuatia uwepo wa malalamiko ya mara kwa mara kutoka kwa wananchi kuhusu kukosa huduma ya runinga za bure pindi vifurushi katika visimbusi (ving’amuzi) vyao vinapomalizika, serikali imetolea ufafanuzi suala hilo kwa kueleza namna mfumo wa utendaji unavyotakiwa kufanya kazi.
Akijibu maswali ya watumiaji mbalimbali wa mtandao wa Twitter kuhusu urushwaji wa runinga za bure, Msemaji Mkuu wa Serikali, Dkt. Abbas alisema, kwa mujibu wa sheria iliyopo sasa, vituo vyote vya runinga ambavyo vimepewa leseni ya FTA (Free to Air) vinapaswa kuonekana hata baada ya kifurushi kwenye kisimbusi kwisha.
Dkt. Abbas alisema kwamba, hadi sasa kuna vituo 16 vya runinga vya ndani ya nchi vilivyopewa leseni hizo, vikiwemo vituo vya ITV, Clouds TV na Channel 10.
Aidha, alifafanua kuwa, ili mtumiaji aweze kutazama hata baada ya kufurushi chake cha malipo kwisha, kituo cha runinga (mfano ITV) kinapaswa kuwalipa warushaji wa masafa (mfano Azam) ili ITV iweze kuonekana kwa wananchi hata ambao hawajalipia visimbusi vyao.
“… mfumo uko hivi: ili wewe uone bure hizo channeli kuna mzalishaji wa vipindi ambaye ni kituo cha TV na msafirisha masafa mfano StarMedia. Ili wewe uone bure kuna gharama huyo wa kwanza anatakiwa kulipia kwa wa pili. Asipolipia akakatiwa huduma hautaona. Kwa sasa ndio mfumo.”
Pia, Dkt. Abbas alitahadharisha kuwa, endapo kituo cha runinga hakutawalipa wasafirishaji wa masafa, watakatiwa huduma na hivyo kuwafanya wananchi washindwe kuweza kutazama runinga bure.
Kuhusu TBC kuonekana katika visimbusi vyote hata bila malipo, msemaji alifafanua kuwa, kila kisimbusi kinatakiwa kuweka TBC kupitia sera ya ‘must carry’ ambayo inaiwezesha kuonekana kwa wananchi bila malipo yoyote.
“Unapata TBC mda wote kwa sababu TBC anahadhi inayoitwa “must carry” ambaye mrusha masafa yeyote Tz lazima aioneshe TBC. Kama hupati channeli zingine za FTA muulize mtoa huduma wako. Majibu atakayokupa nijulishe na unipe jina la mtoa huduma wako,” aliandika Dkt. Abbas.
Alisema kuwa, kwa sasa serikali haina mfumo wa kuwaadhibu wamiliki wa vituo vya runinga wenye leseni za FTA lakini hawawalipi warusha masafa ili wananchi waweze kuona runinga hizo bure, badala yake, warusha matangazo hayo wanatawakati huduma kama hawajalipwa.
“…kwa kanuni iliyoanza Machi mwaka huu, mtoa huduma za TV asipolipa kwa msafirisha masafa anaweza kukatiwa huduma.”
Kuhusu Dstv na Azam kukata matangazo ya runinga za ndani baada ya kifurushi kwisha, Dkt Abbas alisema suala hilo lipo Baraza la Ushindani hivyo wananchi wasubirie majibu, na kwamba asingependa kulizungumzia kwa 

Mwaka 2017 Umekuwa mwaka Wa Majonzi kwa Wapinzani Nchini

Ukiwa ni mwaka wa pili kwa Rais John Magufuli kuwa madarakani, uelekezo wa siasa za upinzani umekuwa shakani kutokana na mazingira magumu huku baadhi ya makada wa vyama hivyo wakijiunga na CCM.
Awali kulikuwa na katazo la kufanya mikutano ya hadhara na maandamano licha ya Katiba na Sheria ya Vyama vya Siasa ya mwaka 1992 kuruhusu. Katazo hilo limedumu hadi mwaka huu.
Mwaka 2017 umeendelea kuwa wa misukosuko kwa vyama vya upinzani kutokana na kuendelea kukamatwa na mara nyingine kushitakiwa.
Miongoni mwa wabunge waliokamatwa ni pamoja na Halima Mdee (Kawe), Ester Bulaya (Bunda), John Heche (Tarime Vijijini), Esther Matiko (Tarime), Pascal Haonga (Mbozi), Godbless Lema (Arusha) na Freeman Mbowe (Hai).
Licha kukamatwa, Halima Mdee na Ester Bulaya walifukuzwa bungeni kwa kipindi cha mwaka mmoja kwa madai ya utovu wa nidhamu bungeni.
Mbali na wabunge, mjumbe wa kamati kuu ya Chadema Waziri Mkuu wa zamani, Edward Lowassa aliitwa kuohojiwa Polisi mara kadhaa, kutokana na kauli zake kuhusu viongozi wa kundi la Uamsho waliokamatwa tangu mwaka 2012, huku Waziri Mkuu mstaafu Frederick Sumaye akinyang’anywa shamba lake lenye hekta 83 lililoko wilayani Mvomero Mkoa wa Morogoro.
Novemba 26 mwaka huu Mbunge wa Chadema, Susan Kiwanga (Mlimba) alikamatwa akiwa na makada 41 wa chama hicho, huku mbunge mwenzake Peter Lijualikali wa Kilombero naye akisakwa wakidaiwa kufanya fujo na kuchoma moto ofisi ya mtendaji baada ya kutangazwa matokeo ya uchaguzi mdogo wa udiwani katika Kata ya Sofi wilayani Malinyi.
Baada ya kukamatwa, wabunge na makada hao walifikishwa mahakamani na kunyimwa dhamana, walirejeshwa mahabusu hadi Desemba 8, kesi iliposikilizwa na kuachiwa kwa dhamana.
Mwaka 2017, Katibu Mkuu wa Chadema, Dk Vincent Mashinji naye hakusalimika alijikuta akikamatwa akiwa wilayani Mbamba Bay Mkoa wa Ruvuma hivi karibuni akiwa na baadhi ya wabunge wa chama hicho, wakidaiwa kufanya mkusanyiko bila kibali.
Licha ya kukamatwa mara kwa mara na kushitakiwa, Tundu Lissu (Singida Mashariki) ameendelea kupata umaarufu mkubwa, akiibua hoja zinazoitesa Serikali.
Miongoni mwa mambo aliyoibua Lissu ni kukamatwa kwa ndege ya Tanzania aina ya Bombardier Q400 iliyoshikiliwa nchini Canada kutokana na deni la Dola za Marekani 38 milioni (Sh87 bilioni ) ambazo Serikali inadaiwa na kampuni ya Stirling Civil Engineering Ltd baada ya kukatishiwa mkataba wake wa kujenga barabara ya Bagamoyo mwaka 2009.
Lissu pia alitangaza kumpiga Rais Magufuli katika mikakati yake ya kukamata mchanga wa dhahabu (makinikia) bandarini wa kampuni ya Acacia Mining akimtaka Rais kufanya marekebisho ya mikataba ya madini, huku pia akiponda ripoti za uchunguzi wa michanga hiyo akiita upuuzi wa kitaaluma.
Jambo lingine lililompa umaarufu Lissu ni hatua yake ya kuwania urais wa chama cha Wanasheria wa Tanganyika (TLS), ambapo Serikali ilionyesha kupinga.
Awali Rais Magufuli akihutuibia katika siku ya Sheria Februari 4, 2016 aliitahadharisha TLS kutoingiliwa na wanasiasa.
Hata baada ya tahadhari hiyo, ilibainika kuwa Lissu ana mpango wa kugombea uongozi wa chama hicho.
Aliyekuwa Waziri wa Katiba na Sheria wakati huo, Dk Harrison Mwakyembe pia aliwatahadharisha viongozi wa TLS kutojihusisha na siasa, huku baadhi ya wanasheria akiwamo Godfrey Wasonga wakifungua kesi kumpiga Lissu kugombea urais wa TLS. Hata hivyo Lissu alishinda kesi hiyo.
Siku moja kabla ya uchaguzi wa TLS uliofanyika jijini Arusha, Lissu alishikiliwa na Jeshi la Polisi na kufikishwa katika Mahakama ya Hakimu Mkazi Kisutu Dar es Salaam kesho yake.
Baada ya kusomewa mashitaka alijidhamini na kwenda Arusha kushiriki uchaguzi na kuibuka na ushindi wa kishindo kwa kupata asilimia 85 ya kura zote Machi 18. Tukio la Lissu kupigwa risasi Septemba 7 limefungua ukurasa mpya wa mapambano, huku Chadema, Bunge na Serikali wakisutana.
Lissu alipigwa risasi akiwa mjini Dodoma saa 7:30 mchana ikiwa ni takribani mwezi mmoja tangu alipoeleza kufuatiliwa na watu wasiojulikana huku akitaja namba za gari wanalotumia.
Kabla ya Lissu kubainisha hivyo, Mbunge wa Nzega (CCM) Hussein Bashe alitahadharisha kuwepo kwa wabunge 11 waliohatarini kuuawa huku akidai kuwepo kwa kikundi kinachotekeleza mauaji hayo ndani ya Idara ya Usalama wa Taifa.
Mwezi mmoja kabla Bashe hajatoa tahadhari hiyo, aliyekuwa Waziri wa Habari, Nape Nnauye alishikiwa bastola na watu ambao hadi leo hawajulikani walikotokea, ikiwa ni siku aliyoondolewa kazi ya uwaziri ya Machi 28.
Tukio la kushambuliwa kwa Lissu ambaye bado amelazwa jijini Nairobi nchini Kenya, limetumiwa na kambi ya upinzani hasa Chadema kuieleza dunia jinsi demokrasia inavyokandamizwa nchini.
Walau Oktoba 30, vyama vya upinzani walipumua baada ya aliyekuwa Mbunge wa Singida Kaskazini, Lazaro Nyaladu alitangaza kujitoa CCM na kuomba kujiunga Chadema.
Hilo lilikuwa pigo kubwa kwa CCM ambayo imeonekana kujibu mapigo kwa kazi kubwa.
Kabla ya Nyalandu, tayari kulikuwa na madiwani sita kutoka jimbo la Arumeru Mashariki waliojitoa Chadema na kujiunga na CCM.
Madiwani hao ni pamoja na diwani wa Ngabobo, Solomon Laizer, Credo Kifukwe wa Kata ya Murieti jijini Arusha, Anderson Sikawa (Leguruki), Emmanuel Mollel (Makiba), Greyson Isangya (Maroroni) na Josephine Mshiu (Viti Maalumu).
Hata hivyo, Mbunge wa jimbo hilo, Joshua Nassari alidai kuwa na ushahidi wa rushwa kwa ajili ya kuwarubuni madiwani hao, ambao aliupeleka makao makuu ya Taasisi ya Kuzuia na Kupambana na Rushwa (Takukuru) jijini Dar es Salaam.
Baada ya kuwaonyesha waandishi wa habari video hizo, walizipeleka makao makuu ya Takukuru jijini Dar es Salaam na kukabidhi ushahidi wao.
Madiwani hao walipokelewa na Rais John Magufuli wakati wa sherehe za kukamisheni maofisa wapya wa Jeshi la Wananchi wa Tanzania (JWTZ) katika Uwanja wa Sheikh Amri Abeid jijiniArusha.
Novemba 21 baada ya vikao vya Kamati Kuu ya CCM, waliokuwa makada wa Chadema akiwamo Lawrence Masha, aliyekuwa mwenyekiti wa Bavicha, Petrobras Katambi na waliokuwa makada wa chama cha ACT Wazalendo Alberto Msando, Samson Mwigamba na Profesa Kitila Mkumbo walijiunga na CCM na kupokelewa na Mwenyekiti wa CCM, Rais John Magufuli wakati wa mkutano wa Halmashauri Kuu ya Taifa iliyofanyika ikulu, jijini Dar es Salaam hivi karibuni.
Kama hiyo haitoshi, Novemba 22 aliyekuwa kada wa Chadema, David Kafulila alikihama chama hicho na kutangaza kujiunga na CCM.
Siku mbili baadaye alikabidhiwa kadi ya CCM na Katibu wa Itikadi na Uenezi wa CCM, Humphrey Polepole katika mkutano wa kumnadi aliyekuwa mgombea wa udiwani wa chama hicho, Kata ya Mbweni jijini Dar es salaam.
Kafulila ambaye ni mume wa Mbunge wa Viti Maalumu wa Chadema, Jesca Kishoa aliwahi kuwa mwanachama wa chama hicho kisha kufukuzwa, baadaye akajiunga na NCCR- Mageuzi ambapo alifanikiwa kuwa Mbunge wa Kigoma Kusini mwaka 2010-2015 na baadaye kurudi tena Chadema 2016 kabla ya kuondoka kwa madai upinzani hauna nia ya kupambana na ufisadi.
Hata hivyo, Kishoa alipinga madai ya mumewe akimtaka kusema ukweli na kwamba sababu alizozisema sizo zilizomuondoa ndani ya chama hicho huku akiongeza kwamba mume wake hana msimamo.
Baada ya Kafulila, zamu ikaingia kwa aliyekuwa Mbunge wa Kinondoni Dar es Salaam kwa tiketi ya CUF, Maulid Mtulia alijiengua chama hicho na kutangaza kujiunga na CCM akidai kuunga mkono juhudi za Rais John Magufuli. Mtulia alisema amefikia uamuzi huo kwa kuwa mambo yote waliyoahidi tayari yanafanywa vizuri zaidi na CCM, hivyo ni vigumu kuwa mpinzani.
Kama hiyo haitoshi pia Mkuu wa Mkoa wa Kilimanjaro, Anna Mghwira naye ametangaza kujiunga na CCM katika mkutano wa Jumuiya ya Wanawake wa CCM (UWT) uliofanyika mjini Dodoma uliofunguliwa na Rais John Magufuli.
Mghwira aliyekuwa Mwenyekiti wa ACT Wazalendo aliteuliwa kuwa mkuu wa mkoa Juni 3, 2017 na kukabidhiwa ilani ya uchaguzi ya CCM, japo awali alisema ataendelea kuwa mwanachama wa chama chake cha awali.
Mbali na wanasiasa, wasanii nao hawakuwa nyuma kwani mwigizaji wa filamu Wema Sepetu naye alitangaza kukihama chama chake na kurudi CCM alikokuweko awali.
Mbunge aliyefunga kazi ni wa Jimbo la Siha, Godwin Ole Mollel Desemba 14, 2017 alitangaza kuihama Chadema na kujiunga na CCM.
Mbali na hamahama iliyoitikisa kambi ya upinzani, kushindwa vibaya kwenye uchaguzi mdogo wa madiwani kwa kupata kata moja kati ya kata 43 zilizokuwa zikishindaniwa Novemba 26, limekuwa pigo kubwa la kufungia mwaka.
Chadema iliambulia kata moja tu ya Ibighi iliyoko mkoani Mbeya, huku ikilalamikia vitendo vya ukatili kwenye kata walizodai kuwa na nguvu ya kushinda.
Ni kutokana na hatua hiyo, vyama vya upinzani vilivyo chini ya mwavuli wa Umoja wa Katiba ya Wananchi (Ukawa) na chama cha ACT Wazalendo wamesusia uchaguzi mdogo wa ubunge na udiwani utaofanyika Januari 13, 2018.
Japo kususia huko kumetafsiriwa na baadhi ya wachambuzi kuwa ni kukimbia ushindani, lakini pia kumepeleka ujumbe wa manyanyaso wanayodai kufanyiwa na chama tawala cha CCM.

Mlela Afunguka bado ajapata mwanamke Wa kuowa

MUIGIZAJI wa Bongo Muvi, Yusuf Mlela amefunguka kuwa bado hajamuona mwanamke wa kumshawishi kuoa hadi pale Mungu atakapomuonesha.
Akizungumza na Za Motomoto News, Mlela alisema kuoa ni kudra za Mwenyezi Mungu, akipatikana wa kuoa ataoa ila kwa sasa bado hajampata kwa kuwa kila anayemtazama hana vigezo wala sifa.
“Kuoa ni kudra za Mwenyezi Mungu, wakati wangu ukifika na nikampata mwanamke wa kuoa itapendeza, nitaoa ila kwa sasa bado naendelea kumtafuta, nikipata mwanamke yeyote anayejua thamani ya mume na anayeji

NEC Yathibitisha Kujitoa Kwa Mgombea Jimbo la Nyarandu

Dar es Salaam. Tume ya Taifa ya Uchaguzi (NEC) imethibitisha kumtoa kwenye kinyang’anyiro cha ubunge Singida Kaskazini mgombea kwa tiketi ya Chadema, David Djumbe.
Mgombea huyo ameondolewa kwenye orodha baada ya kutimiza masharti kujitoa katika uchaguzi kwa mujibu wa sheria.
Mkurugenzi wa Uchaguzi wa NEC, Ramadhan Kailima alisema jana kuwa Djumbe alifuata maelekezo kwa mujibu wa sheria ya uchaguzi.
“Kama Sheria inavyosema Kifungu cha 49(1)(2) cha Sheria ya Taifa ya Uchaguzi, Sura 343 mgombea anaweza kujitoa kwa kuandika barua na kuisaini yeye mwenyewe pamoja na ahadi ya kiapo cha sheria alichoapa mbele ya hakimu.
“Tume haimkubalii wala haimkatalii sababu ni hiari yake. Amewasilisha taarifa hizo na Tume imemfuta katika orodha ya wagombea,” alisema Kailima alipoulizwa jana kuhusu hatima ya mgombea huyo.
Desemba 20, Djumbe aliwasilisha nyaraka za kujitoa katika uchaguzi huo uliopangwa kufanyika Januari 13 mwakani akieleza kuwa jina lake lilipelekwa kimakosa.
Mkanganyiko ndani ya Chadema ndiyo uliosababisha jina la Djumbe kupelekwa NEC na kupitishwa kuwa mgombea ubunge Singida Kaskazini.
Wakati Chadema ngazi ya Taifa ikisema haitashiriki katika uchaguzi huo mpaka NEC itakapokutana na wadau kujadili changamoto zilizojitokeza katika uchaguzi wa udiwani katika kata 43, uongozi wa chama hicho mkoani Singida ulipeleka Tume jina la Djumbe kuwa mgombea.
Mwenyekiti wa Chadema Mkoa wa Singida, Shaban Limu alisema Djumbe aliteuliwa kugombea na kamati ya utendaji ya wilaya.
Alisema wakati anateuliwa uongozi wilaya na mkoa ulikuwa haujawasiliana na makao makuu kujua msimamo juu ya uchaguzi huo.
Jimbo la Singida Kaskazini liko wazi baada ya aliyekuwa mbunge kwa tiketi ya CCM, Lazaro Nyalandu kujivua uanachama wa chama hicho hivyo kupoteza nyadhifa zote ukiwamo ubunge. Alijiunga na Chadema.
Uchaguzi pia unafanyika katika majimbo ya Longido ambako matokeo ya uchaguzi wa ubunge ya mwaka 2015 yalibatilishwa na Mahakama; na Songea Mjini ambako aliyekuwa mbunge kwa tiketi ya CCM, Leonidas Gama alifariki dunia.

Wasanii wanaovaa Nusu Uchi Waanza kushughulikiwa Na Serikali

Waziri wa Habari, Utamaduni, sanaa na Michezo, Dkt Harrison Mwakyembe amesema wizara imeanza kutekeleza agizo la Rais Magufuli juu ya baadhi ya wasanii ambao wanadaiwa kuwa chanzo cha kuporomoka kwa maadili ya kitanzania.
Waziri Mwakyembe ametoa taarifa hiyo alipokuwa akizungumza na mwandishi wa habari na kusema kwamba kitendo cha Rasi Magufuli kusema suala hilo, kimewapa nguvu ya kuzidi kupambana na wasanii, ambapo hapo awali walikuwa wakiwagusa huwajia juu na kulalamika.
"Pale tunapoona kuna ukiukwaji, tufumbe macho tusijali malalamiko yanavyokuja kutolewa, maana ukiwagusa wasanii walikuwa wanakuja juu sana, lakini tunashukuru mkuu wa nchi kulisemea hilo, basi na sisi tumeongezewa nguvu basi hatutaachia suala hilo kuendelea kuharibu vizazi vyetu", amesema Waziri Mwakyembe.
Hivi karibuni Rais Magufuli alizitaka mamlaka husika kuwachukulia hatua wasanii wanaovaa nusu utupu kwenye kazi zao za sanaa ambazo zingine huonyeshwa kwenye television, ambazo amedai hazina maadili na zinadhalilisha utamaduni wetu na kuharibu kizazi kijacho.

Baada ya Askofu Kakobe kuikashifu Serikali , CCM yamjibu

Chama cha Mapinduzi (CCM) kimesema Askofu Zakaria Kakobe wa Kanisa la FGBF lililopo Mwenge jijini Dar es Salaam amekosa hekima na busara kwa kugeuza madhabahu ya kanisa kuwa jukwaa la kisiasa na kuanza kukashifu viongozi wa serikali akiwemo Rais Dkt John Pombe Magufuli.
Hayo yamesemwa na Mwenyekiti wa Jumuiya ya Wazazi Mkoa wa Dar es Salaam, Frank Kamugisha alipokuwa akizungumza na waandishi wa habari ikiwa ni siku moja baada ya Aksofu Kakobe kukosoa namna serikali inavyotenda mambo yake, akisisitiza kwamba Tanzania si nchi ya chama kimoja kama ambavyo viongozi wanataka kuigeuza na hivyo kuwataka viongozi wa serikali waanze kutubu.
Kamugisha amesema kuwa, wao kama viongozi wa CCM hawaweza wakakaa kimya wanapoona chama kinachafuliwa na viongozi wake ambao wanafanya kazi kwa niaba ya watanzania wakikashifiwa.
Aidha, alisema kuwa, siasa ni kwa ajili ya wanasiasa, na kama kiongozi wa dini ana jambo lolote analotaka kuzungumzia, kuna busara za kutumia na sio kutumia kanisa kusema hayo.

Marekani Yawawekea kikwazo wataalamu Wa kutengeneza Makombola korea Kaskazini

Marekani imewawekea vikwazo maafisa wawili wa Korea Kaskazini ambao inasema kuwa wamechangia kuundwa makombora ya nchi hiyo.
Wizara ya fedha nchini Marekani iliwataja Kim Jong-sik na Ri Pyong-chol na kusema kwua wote walikuwa viongozi wakuu katika mpango wa makombora ya masafa marefu wa Korea Kaskazini.
Baraza la ulianzi la Umoja wa Mataifa liliiwekea vikwazo vipya Korea Kaskazini siku ya Ijumaa kujibu majaribio yake ya makombora ya masafa marefu, Korea Kaskazini ilisema kwa hatua hiyo ni kama ya vita.
Vikwazo hivyo vipya vya Marekani vitazuia shughuli zozote za wanaume hao wawili zinazofanywa nchini Marekani, na hata kutwaliwa kwa mali yao yaliyo nchini Marekani.